20 Feb 2015 前往丁伯崎Dingboche

尋日到達Tengboche時又大霧自己又疲倦,唔知Teahouse出面係點。
今朝起身一望,又嘩嘩聲喇。
xEBC0424
遠方既山群就係今次旅程既終極目標,最後面果個就係珠穆朗瑪峰(Mt. Everest)。xEBC0426呢度既景色同之前幾日相比好唔同,高海拔地區生物難以生存,開始出現bare rock。
(係時候拋下當時讀既Geog野)xEBC0429呢個係Tengboche既寺院,好似係世界上海拔最高既寺院。
但本人只係入去行一圈望一望,因為當地好重視宗教,而呢間寺院入面有唔少僧侶住緊,我地作為旅客不方便打擾佢地。xEBC0435好似話有以前有個高僧係石上留低左個腳印。
嘩佢識天殘腳架?xEBC0434
xEBC0437
xEBC0438
除左各座山變得光禿禿之外,個天仲好清好藍。
xEBC0441
老老實實,佢個眼神好奇怪。
xEBC0450
參觀完最高既寺院,向目標出發!
xEBC0451
地上有雪唔緊要,結左冰先至大鑊。呢段冰雪之路要行半小時,真係步步為營,驚心動魄呀。
xEBC0453xEBC0454xEBC0458xEBC0459
呢度我無乜影到相,因為又係結左冰,仲要路窄同旁邊係條河,要行得勁小心。xEBC0460xEBC0462xEBC0463
的眼神係要咁奇怪架喎。xEBC0465
山腰地區比較多陽光,斜面為令雪難以積聚,所以無乜雪,好行好多。xEBC0466xEBC0469
應該係野生羚羊果類,好似有專稱,但唔記得喇。xEBC0472
Lunch就係咁上下既地方食,唔記得左食乜,但以為自己好返,就咁飲當地既水,之後又開始肚痛………
xEBC0474
xEBC0480
圖中有一片比較平既草地,其實係間屋仔係度,但我研究左好耐,都睇唔到的人可以點去間屋度,因為佢所在地係平,但旁邊都好斜下。xEBC0483
回望背後景色,頭先個幾鐘就係一直沿住右方山腰既路行。xEBC0484
好明顯見到樹同草既分界線。xEBC0485
呢度開始就真係一棵樹都無,草都只係一堆堆細細地既。xEBC0486xEBC0487
山泥傾瀉既痕跡。xEBC0489
曾經係村落。xEBC0490
今日既相黎到呢度,因為肚痛、倦同天氣轉壞所以無去影相,但其實之後有唔少事。
上圖已經顯示左本人之後2個幾鐘既要行既路線:圖左中間既山路,向右行及下降到圖右一堆亂石處,再向右上既山路行去到山後面。睇圖好似無乜野,其實…….係好辛苦!因為又上又落又無位休息,仲要高山反應加上肚痛,我都唔知自己抖左幾多次,但所謂既抖,係停低30秒至1分鐘,企係度俾自己calm down同減慢心跳。

但呢度遇到幾特別既人,有個係大陸人,佢之前一個人行西藏,之後搭車過黎尼泊爾行EBC。點解會同佢傾計?因為佢居然問我路!

然後就遇到一對香港人夫婦,先生佢話佢黎過喜馬拉雅山8次,EBC行左2次。的確睇得出佢好有經驗,因為佢唔係好健碩,但就好適應當地環境,係咁影相,完全無受高山反應影響。但佢就係咁係前面影相,佢老婆就係第1次黎,所以係後面慢慢行 – 相差至少100米………..嘩阿先生,隔咁遠,如果你老婆有咩事你會唔會知架?

之後天氣又轉壞,大霧同無陽光令氣溫驟降,具體降左幾多我唔知,總之雖然載左手套又一直行,但隻手都好冰凍。又凍又倦又肚痛,繞過座山之後好似再行多2個鐘左右,就到達海拔4410m既Dingboche。

一進入Dingboche範圍就立刻搵廁所,今日本人就見識到人生中去過最惡劣既廁所。
其實我都唔知可唔可以叫佢做廁所,佢地下係開左2個洞既,但成個廁所都係茅草,我以為去左馬廐…………….

因為真係好唔舒服,所以我同Guide/Porter Raj講:1. 聽日全日休息;2. 唔理加幾多錢,我要住房入面有獨立廁所既teahouse。又真係俾佢搵到咁既teahouse喎,佢無話加錢,我亦無問間房有幾貴,但間房俾人既感覺好好。佢都係木搭而入面有兩張床果的黎,但一入到去感覺好暖,張床亦比之前teahouse果的大,同埋房外係一個小平台,可以睇天空既大部份。係房入面訓左一陣,就係平台set機試下影星。我肉眼就見到好美麗既星空,係城市中無可能見到既星空,但周圍環境太暗,相機辨識唔到,所以一張星空相都影唔到。最後直頭set部機長曝,然後去食晚餐,45分鐘返黎,但結果係機頂結冰加上無電,都係失敗。

既然係咁,唔試了,盡早休息。